اسئلة عن التقديم في كلية قطر

[فايز]

السلام عليكم ورحمه الله وبركاته



اولا مبارك عليكم الشهر , اعاده الله علينا وانتوا وكل من يعز عليكم في صحه وعافيه

عندي كم استفسااار عن الكليه ياليت لو تجاوبوني عنهاا

س : متى موعد التسجيل القادم لاني على حسب ما قريت من موضوع افتتاح التسجل في الكليه انه باقي عليه 5 شهور فهل هذا صحيح ؟

س : ابي اعرف عن اختبارات القبول فهل هو في الانجليزي او الانجليزي والرياضيات ؟ وياليت تقولي عن اي اختبار ثاني ان كان موجود

س : هل اختبار التوفل مطلوب عند التقديم ؟

س : انا سمعت انه لو شديت حيلك في الكلية ياخذونك معهم ؟ فهل هذا الكلام صحيح ؟؟

وتقبلوا مرووري

[الطيار المقاتل]

المشاركة الأصلية كتبت بواسطة فايز

السلام عليكم ورحمه الله وبركاته

اولا مبارك عليكم الشهر , اعاده الله علينا وانتوا وكل من يعز عليكم في صحه وعافيه

عندي كم استفسااار عن الكليه ياليت لو تجاوبوني عنهاا

وعليكم السلام ورحمة الله وبركاته ..
ومبارك عليك الشهر وأعاده عليك وعلينا بالصحه والعافيه ..

المشاركة الأصلية كتبت بواسطة فايز

س : متى موعد التسجيل القادم لاني على حسب ما قريت من موضوع افتتاح التسجل في الكليه انه باقي عليه 5 شهور فهل هذا صحيح ؟

بالنسبه للتسجيل مثل ماتفضلت تقريبا بعد 5 شهور تقريبا ..
بس نصيحتي لك لو تبغي تتأكد وتقطع الشك باليقين خلي عنك المواقع وأتصل أنت بنفسك على الكليه وأسألهم هم راح يعطونك الموعد حق التسجيل الجاي بالضبط لأن مواعيد التسجيل تتغير وتتجدد بشكل طفيف وأي أستفسار راح يعلموك فيها ..
يالنسبه للأوقات المناسبه للإتصال ..
عندك من الساعه 8 أو 7 ونص لين تقريبا 1 ظهر عدا الجمعه والسبت يكونوا معطلين تقدر تتصل في الأوقات المذكوره ..
وهذي أرقم الكليه مع فتح الخط لو أحببت
1- 009744375805
2-009744408839
3- 009744408820

المشاركة الأصلية كتبت بواسطة فايز

س : ابي اعرف عن اختبارات القبول فهل هو في الانجليزي او الانجليزي والرياضيات ؟ وياليت تقولي عن اي اختبار ثاني ان كان موجود

بالنسبه لإختبارات القبول فهي في المواد التاليه :-
رياضيات وإنجليزي وطبعا باللغه الإنجليزيه ومن ثم إذا نجحت تنتقل إلى المرحله ماقبل الأخيره ألا وهي المقابله الشخصيه ومن ثم إجتياز الفحص الطبي

المشاركة الأصلية كتبت بواسطة فايز

س : هل اختبار التوفل مطلوب عند التقديم ؟

لا أخوي في كلية قطر التوفل والسات وغيره غير مطلوبه إنما فقط إجتياز إختبارات القبول لاكن في بعض الكليات مطلوب منك تعمل توفل وعلى سبيل المثال كلية أكسفورد في لندن

المشاركة الأصلية كتبت بواسطة فايز

س : انا سمعت انه لو شديت حيلك في الكلية ياخذونك معهم ؟ فهل هذا الكلام صحيح ؟؟

وتقبلوا مرووري

صحيح أخوي هالكلام إن شديت حليلك أكيد ياخذونك ويعينونك في الخطوط القطريه لا وأزيدك من الشعر بيت إذا كنت متفوق ممكن الخطوط القطريه تتكفل فيك وتدرسك يعني تكمل باقي الدراسه على حساب الخطوط القطريه وماتدفع شي خلال دراستك ويمكن يعوضوك بالمبلغ الي دفعته خلال دراستك بس مب متأكد من هالنقطه ..
ختاما أتمنى إني أكون قد أفدتك ولو بالقليل والسموحه على التقصير ..
تحياتي لك وبالتوفيق ..