استفسار عام في دراسة الطيران: يارب ارزقهم ضعف مايتمنون لي .. مساعده دراسيه plz

[FALCON]

السلام عليكم ورحمه الله وبركاته ..

ادري كثرت الأسئله عن دراسه الطيران وقولي جم المبلغ وقولي وين اروح ووين الكليات المعترف فيها وادري كل هذا موجود لو اني ابحث .. لكن اسألتي بسميها special بالنسبه لي شخصياً لأني بديت من ال zero

بمعنى اوضح .. انه في كثار اللي يدشون اهني ويسألون عن كل شي بس ماكو فعل بس واقفين على الاسأله ..

أنا مواطن كويتي حاب وظيفه الطيران لي درجة الجنون .. وأمنيه اني أكون طيار وان شاء الله بكون قدها بس الصبر الصبر ثم الحصاد ..

انا الآن ببريطانيا بالتحديد Brighton باخذلي فتره دراسه english على مايبدون الخطوط الجويه الكويتيه او شركه طيران الجزيره بفتح الباب للطيارين .. طبعاً قبل ما اسافر لتثقيف نفسي بالانجليزيه رحت شركه الخطوط الجويه الكويتيه وقابلت احد الكباتن المحتريم وقالي اني لازم ادرس انجليزي قلت هذي خالصين منها ولله الحمد .. يعني فكرت فيها من زمان قالي حلو ..

كمل الاخ وقالي لازم تثقف نفسك بالطيران قلت اوكي بس الغلط اللي ما سألته شلون وكيف ..
قالي بالمقابله شي جميل انك تكون مثقف بالطيران وهذا اللي بعرفه واذا احد الاخوان بيساعدني الله يوفقه .. ويوفق الجميع ان شاء الله ..

انا انسان بادي بهالشغله يعني مو بس كلام وانا ان شاء الله كلي امل انه الكويتيه تقبلني او احد شركات الطيران بالكويت تقبلني كوني مواطن بهالديره بس رحت واتكلت على الله وقلت الله كاتب اللي فيه خير ..

ياجماعه لازم اسعى لهالشيء وبمساعدكم بقدر اسعى لها لين الطموح اللي ابيه .. اتمنى من الاخوان المساعده لي بمعنى كلمه تثقيف الطيران .. خاصتاً ببريطانيا .. معناها اني اقرى عن الطيران " وأي الكتب اقرا اتمنى التوضيح" او معناها اني ادخل معهد طيران " طيران بو مروحه وحده وقالي شخص اردني انه يساعدني بس ماوثقت فيه" ولا شسوي .. اكيد انتم فاهمين قصدي شنو ابي ولا ما ابي لانكم مارين بهالمرحله ..

وجزاكم الله خير ..

[الطيار المقاتل]

والله ياخوي بالنسبه للتثقف بالطيران فهذا سهل ان شاء الله , هناك عدة طرق للتثقيف ومنها قراءة بعض كتب الطيران ومواضيع تتعلق أيضا بالطيران الصراحه المنتدى أشوفه جيد جدا للتثقف ففيها مواضيع ممتازه جدا , وأنصحك بكتاب أسرار الطيران للكابتن إحسان قطب على ما أعتقد صراحه هالكتاب الكل يمدح فيه وأكون صريح معاك انا للحين ما إمتلكته لكن قريت بعض مواضيعه من خلال الإنترنت وأشوف إنها راح تساعدك بشكل كبير ..
بعدين ما أعتقد إنك لازم تكون ملم إلمام كامل بالطيران عشان يقبلونك ولكن مجرد أخذ فكره شامله عن الطيران ...

عموما نتمنى أخوانا الكابتن يضيفون للموضوع رد تكون مفيده لك وخصوصا الكابتن على فهو خريج بريطانيا وأكيد راح يفيدك ..
أتمنالك التوفيق ..