استفسار عام في دراسة الطيران: لراغبي دراسه الطيران في امريكا ارجو التثبيت

[disaster1]

ارجو من المشرف على القسم تثبيت الموضوع للاهميه
انا من السعوديه حاليا ادرس طيران في امريكا ولايه اوكلاهوما
وقبل التوجه للطيران لم اجد من يوجهني او يدلني على المدرسه المناسبه فما كان لي الا البحث عن طريق الانترنت
ووجدت مدارس متعدده وكل مدرسه توعد القارئ انه سينتهي من البرنامج في خمسه اشهر اذا كان الجو مناسب ومنهم من يكتب ان الجو في مطارهم مناسب طوال السنه وان هناك فقط 30 يوم لايمكن الطيران فيهم
فوالله كل هذا كذب في كذب وانا جربته ووقعت فيه وخصوصا المدرسه التي انا فيها حاليا لي 7 اشهر وقريبا انتهيت من instrument program وفي خلال هذه السبعه اشهر كان منها 4 اشهر لم استطع الطيران فيها بسبب الطقس السيئ جدا فاانا انصح كل من يريد الدراسه لايحاول القدوم الى تكساس او اوكلاهوما او المناطق القريبه منها
فافضل مكان للدراسه هو كاليفورنيا او فلوريدا او اريزونا
والاسعار متفاوته من مدرسه لاخرى تبدآ من 29،000دولار لبرنامج 250 ساعه وتصل الى 100،000دولار لبعض المدارس والمده تعتمد على الله سبحانه وتعالى ثم على الشخص والطقس اذا كان مناسبا
وافضل شيئ قبل الدراسه او القدوم الى امريكا التاكد من الفحص الطبي واعتقد انه في جده في مستشفى عرفان لاخذ شهاده طبيه معتمده هنا وفي السعوديه والتاكد من اللغه الانجليزيه قراءه وكتابه وتحدثا ويفضل قراءه بعض كتب الطيران ومن لم يجد استطيع اعطاءه بعض المواقع لبيع الكتب لكي يستطيع شرائها وقرائتها والاستفاده منها
وبالنسبه للمدارس من يريد السؤال عنها فقط يرسل لي عنوان المدرسه واقوم بالسؤال عنها للمساعده ومن يريد الاستفسار عن اي شيء يرسل ايميل استفسار ويبشر بكل خير انشالله
وانا والله ماكتبت الابسبب المعاناه اللي عانيتها ولااريد اي شخص ان تحصل معه نفس الظروف
وهذا الايميل صممته لكي استقبل عليه اي ايميل للمساعده
disaster_boss2002 على هوتميل

اخبار الطقس يضع عنوان المدرسه zip في الركن الايسر العلوي ويظهر له جو المنطقه لمده اسبوع كامل
ADDS - Aviation Digital Data Service

موقع المطار والخريطه التي تستخدم في الطيران يكتب الكود الخاص بمطار المدرسه مثلا مطار كاليفورنيا KLAX
يجب وضع K قبل كود المطار
SkyVector.com - Aeronautical Charts - Flight Planning

[wannabe]

جزاك الله كل الخير اخي علي موضوعك
لي بعض الاستفسارات سأكتبها لك في وقت لاحق اخي .
باركك الله

[disaster1]

الله يحييك في اي وقت
وابشر بكل خير
وانا اغلب الوقت متواجد اون لاين عالماسنجر لاي استفسار

[disaster1]

يسلمو على التثبيت
والف شكر

[fawzi]

جزاك الله خير عزيزي واتمنى تقبلني ظيف خفيف عليك على المسنجر

[disaster1]

الله يحييك في اي وقت
عزيز وغالي
وتمت قبول الاضافه

[زيووودي]

أخوي لاهنت أنا توي تخرجت من الثانويه وناوي ان شاء الله ادرس طيران أنا سمعت بجامعه في فلوريدا بديتونا بيتش طبعا انا ابي ادرس لغة انجليزيه قبل لاأدرس أبيك اخوي تقول لي كم التكاليف كلها من سكن ودراسه لغة والجامعه اظنها بـ30,000$

ومشكووووووووووووووور مقدمـــــــــا....

[disaster1]

المشاركة الأصلية كتبت بواسطة زيووودي

أخوي لاهنت أنا توي تخرجت من الثانويه وناوي ان شاء الله ادرس طيران أنا سمعت بجامعه في فلوريدا بديتونا بيتش طبعا انا ابي ادرس لغة انجليزيه قبل لاأدرس أبيك اخوي تقول لي كم التكاليف كلها من سكن ودراسه لغة والجامعه اظنها بـ30,000$

ومشكووووووووووووووور مقدمـــــــــا....

طيب اخوي ارسلي موقع الجامعه على ايميلي وايش اسمها
وانت ممكن تدرس طيران ولغه في نفس الوقت ماعندك اي مشكله
وبالنسبه للتكاليف مكتوبه على الموقع الرسمي حقهم لمن ترسلي اللينك
ولاتسمع لاحد في الطيران الله يصلح حالك لانه كل واحد يفتي من عنده لانك اذا ماكلمت المدرسه نفسها او كلمت احد يدرس فيها لاتسمع لانه هذا اللي نكبنا يوم مارحنا لان عالم الطيران مايفهمه الا اللي يدخل فيه
وابغاك تتاكد من مده الدراسه عندهم لاني اعرف ناس في فلوريدا نكبهم الجو واخذو فترات طويله رغم انه العاده من 3 الى 6 اشهر حسب اجتهادك في مناطق اخرى
ولاتاخذ على كلام اللي يردوا عليك من نفس المدرسه لانه ماراح يخسروا زبون عشان كذا ارسلي موقعهم وانا راح اسالك بنفسي وفي مجموعه مدارس انصحك فيها اذا ماكانت هذي كويسه
والتكاليف في اغلبها من 24 الف دولار الى 33 الف دولار لبرنامج 250 ساعه
والسكن يعتمد من منطقه لاخرى يعني اذا بتاخذ لحالك الله يعينك اقل شي 800 دولار وتعبانه
وفي غرف على 500 دولار وسط شقه عائله او فرد
واذا بتاخذ مع مجموعه ارحم

وابشر ياغالي بكل خير

[الليث]

السلام عليكم ورحمه الله وبركاته
هذي اول مشاركه لي وييشرفني ويسعدني الانضمام بمنتداكم الجميل والمفيد
انا ابقى ادرس طيران بس مدري وش اللي اسويه قبل اروح ادرس وعقب
اجي اقدم لشركات الطيران او اتفاهم معهم وعقب اروح ادرس وايش اتفاهم معهم فيه . قسم بالله متوهق بحياتي وانا استفسرت من بعض الشباب كلهم يعطوني كلمه وكلهم كلامهم مو مقنع بالمختصر < حطموني . بس ارادتي للطيران اكبر من انهم يحطموني واابقاكم تفيدوني وش الفرق ما بين اللي يدرس
بمدرسه طيران وبين اللي يدرس بكليه وانا لغتي ضعيفه وش تنصحوني فيه اخذ لي كم دوره وعقب اسافر او اخذها هناك . احس اني طوولت عليكم مع انها اول مشاركه لي .
وارجع واقول يشرفني الانظمام لمنتداكم

[disaster1]

المشاركة الأصلية كتبت بواسطة الليث

السلام عليكم ورحمه الله وبركاته
هذي اول مشاركه لي وييشرفني ويسعدني الانضمام بمنتداكم الجميل والمفيد
انا ابقى ادرس طيران بس مدري وش اللي اسويه قبل اروح ادرس وعقب
اجي اقدم لشركات الطيران او اتفاهم معهم وعقب اروح ادرس وايش اتفاهم معهم فيه . قسم بالله متوهق بحياتي وانا استفسرت من بعض الشباب كلهم يعطوني كلمه وكلهم كلامهم مو مقنع بالمختصر < حطموني . بس ارادتي للطيران اكبر من انهم يحطموني واابقاكم تفيدوني وش الفرق ما بين اللي يدرس
بمدرسه طيران وبين اللي يدرس بكليه وانا لغتي ضعيفه وش تنصحوني فيه اخذ لي كم دوره وعقب اسافر او اخذها هناك . احس اني طوولت عليكم مع انها اول مشاركه لي .
وارجع واقول يشرفني الانظمام لمنتداكم

حياك الله اخوي الليث
اول شي يعتمد انت من اي دوله وعلى حسب شركات الطيران اللي عندكم وش متطلباتها
فكل شركه ولها طلباتها مختلفه عن الاخرى
فاللي انصحك فيه لاتسمع لاحد انت روح بنفسك واسالهم وش طلباتكم بالضبط وعاده تلقاهم طابعين ورقه فيها كل شي وايش يبغوا
والدراسه في امريكا او في الخارج تنقسم لنوعين
الاوله: part 61
اللي هي الدراسه الذاتيه اكثر وعدد ساعات الطيران اكثر يعني ماتخلص الا وانت عندك 250 ساعه
self study
واللغه المطلوبه انك تفهم وتكتب وتقرآ انجليزي ماهم طالبين مستوى معين والتطوير يجي مع الوقت اذا انت مجتهد

الثانيه : part 141
النظري فيها اكثر ومتطلبات الساعات فيها اقل واغلبها للطلبه الاجانب عاده بس انت يمديك تختار اللي تبغاه
ground school

والفرق بين مدارس الطيران والكليه يعتمد على العروض اللي عندهم
لان في مدارس طيران تخلصك من 3 شهور الى سنه على حسب جهدك وعلى حسب الجو في المدرسه
واسعارها قليله من 24 الف دولار الى 33 الف دولار وفي اغلى من كذا توصل 100 الف دولار
لبرنامج 250 ساعه

والكليات مشكلتها طولة البال يعني عندهم تخرج ونظري اكثر ومده الدراسه احيانا توصل 4 سنين وغاليه لدرجه كبيره وقليل ماتلقى كليه تخلصك في اقل من سنه واسعارهم اكثر من 80 الف دولار
وبالنسبه للغه انصحك تسافر وتدرس طيران ولغه وفي مدارس تساعدك وفي مدارس لا
واذا نويت ابشر ادلك عالصح بس متى ماتخذت القرار ابشر
وانشالله اكون افدتك انت وغيرك